كانوا بانتظار قصيدةٍ من الشعر العامودي
في فضل العلم والعمل والـ ...
إلا أني تحايلت على الجميع
كنت أعلم أن حسابي سيكون عسيراً
ولكن كفاني ما أخذته هتافاً
وليكن ...
***
أنا مش حتكلم عن غزة
علشان ممنوع
وحقول إيه يعني عن غزة
ما هو مش مشروع
ولا عن برجين وقعوا وجزمة
ولا عن جربوع
ولا ع الشوربة ... أصل أنا صايم
شبعان ... م الجوع
ولا عن كرسي .. ماركة مُرسي
واخداه بالكوع
ولا عن عبارة .. وْ مجلس حَرْق
ولا ميـــــــــــت مشروع
ولا عن رقاصة وْ زِنْباوي
وجبان سَرسوع
أنا مش حتكلم عن حاجة
الحَكي مسموع
أنا أصلي ... أمي بْتحتاج لي
مش ناقصة دموع
يرضيكم يعني ارْجع لُامي
بـ لسان مقطوع ؟!!
الوحدة الوطنية فْـ دمي
وانا وطني شَجوع
ووراكِ يا مصر يا بلدي يا حلوة
خادع مخدوع
أنا مش حتكلم عن حاجة
هو انا فيا ضلوع ؟!!
أنا بس حوحد باسم الله
وححيي يَسوع
***
من قصيدة ... أنا مش حتكلم
أهدي المقطع للأحبة ..
عمي نجم
وبكري
والجخ
أن سبقوني
أمجد الشعشاعي
0 كلمات النُّقاد والجمهور:
إرسال تعليق